(( جوائز للكـــل )) اضغط هنا

اربع خناجر

مشكله لا جات حاجتك بيدين البخيل
مايفكك لين تدفع كثر مايدفعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

ومشكله لا ضاق بالوقت رجال ٍ ثقيل
يطلب احبابه وعيا زمانه ينفعه

ليت ربي مايحاسب خليلً من خليل
دام مال للحظ فزعه وللوجه اقنعه

ودام مال العذل تالي ومابالحيل حيل
الغلا سـم ٍ نذوقه ومر ٍ نجرعــه

نحتري فيه القا والحصيل هو الحصيل
مثل حلم ٍ ماتحقق وعيت اقطعـه

كني اللي حط بشفاه من جمر المليل
لا قدر يرميه للناس وزرا يبلعه

والظروف اللي حدتني لنيران وفتيل
عرضت دمع المحاجر لشيٍٍ يجزعه

والمدامع بالغلا لا تحال ولا تحيل
والمشاكل كل ماجات جات مجمعه

اعذلوني عن هوى النفس وعيوني تخيل
في حبيب ٍ ماتركته ولازلت اتبعه

مغرم في حب مثله ولا ارضى له بديل
عيني تشوفه وقلبي يجوع ويشبعه

ذاك كل مازان بالي وطالعت النخيل
ماذكرت الا ثباته بوقت الزعزعه

ماهو الاقطعة من حشا قلباً عليل
وماني الا قطعة منه مخلوقً معه

لا جميل شفت قبله ولا بعده جميل
العذارا رهن رمشه وانا رهن اصبعه

والله انه لو طلبني اطلوع المستحيل
لا اطلعه منيه مناك يعني لا اطلعه

ماعلي من الملامه ولاهرج الهبيل
مشجع الرجال لا ثار غيره مشجعه

في عيون اللي عشقني ولا جاني هزيل
الله اللي حط عشقه بقلبي وزرعه

لو سكت ينطق له الصم والدنيا تسيل
وان حكى لو يمشي المزن ياقف يسمعه

سلسبيل من شفاته يخالط سلسبيل
معمعه بسكات واحلا سكات بمعمعه

ماهقيت ان اكثر الليل يمرح بالجديل
لين شفته شوف عيني بكفه يرفعه

وان حيت ومابقالي معه ياكود ليل
لأسهره بأول غروبه وموت بمطلعه

والله ان العشق جمره وطاحت بالشليل
وان حصل ماطاعك الوقت بحبابك طعه

من هو اللي علم عداي نكران الجميل
ومن هو اللي خان خلي وحاول يقنعه

كل عاذل ردني عنك يالطرف الكحيل
ياعسى الله يقلعه ياعسى الله يقلعه

يامعرض قلب الاحباب للدرب الطويل
السعه لا بارك الله بالضيق السعه

والله ان الوقت قاسي وانا ماني ذليل
واشهد ان الرجل مرات ظنه يخدعه

وانتم اتعذلون خفاق بعيون العديل
مارحمتم نار جرحه وحيرة مدمعه

والسوالف ليلها ليل والحايل يحيل
والمشاكل مشكله بمشكله متجمعه

مشكله لا خانك الوقت بالحمل الثقيل
لو زرعت الزرع هوج العواصف يشلعه

ومشكله لاصار عاذلك مايبرد غليل
لا ترده طيب كلمه ولحدً يمنعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

تسلم اخوي على الشعر الروعة

[ندعوك للتسجيل في المنتدى أو التعريف بنفسك لمعاينة هذا الرابط]

اسعتني اخوي سفتي بطله الحلوووه
نورة صفحتي بوجودك الرائع والجميل
تحياتي الشاروووو

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

يسلموووو الشارووو
ع
الشعر الجميل

::
تحيااتي
بنوتهـ غيـر

تسلم خيووو ع الشعر الرائع

تقبل مروري

مشكوره يا الشاروخان على الشعر بصارحه جميل وتحياتي لك

[ندعوك للتسجيل في المنتدى أو التعريف بنفسك لمعاينة هذا الرابط]

صح لسانك أخوي ( شاروخان )

تقبل مروري

[ندعوك للتسجيل في المنتدى أو التعريف بنفسك لمعاينة هذا الرابط]