نبَت فيْ جفْن هَاللّيلَه ..
مَواعِيْدْ وصُوَر وِاشْواقْ ..
ونَجْمتَيْنَ اغْرَابْ ..
ويَدْ تمْسَحْ بَقَايا مِنْ دُمُوع البَدْرْ ..
ويِتْصَفّدْ سَحَابْ ..
ويِمْطِرْ حُضُورٍ بَعْدِ طُوْلِ غيَابْ ..
ورَعْشَه جَفّفَتْ تَنْهيْدةَ الأَيّامْ ..
ونِسْناسٍ كَسَى هَاللّيْل مِعطَفْ ذِكْريَاتْ ..
تَدَفّى فِيْ هَجِيْر البَوْحْ ..
وتَابَعْ مَسْرَحيّةْ نَجْمتَيْن اغْرَابْ ..
مَا كَانَتْ سُوَى إِنْتيْ وَانَا ..
وشَوْقْ يخْصِفْ للغِيَابَ اسْبَابْ ..
حَضَرْتيْ والْوَلَه سَاقِكْ ..
وعصْفُوْريْ اللّيْ وَصَلْ حَدّكْ لشُبّاكِكْ ..
يغَرّدْ لِكْ شَجَنْ يسْتَنْهضَ افْكارِكْ ..
أَتَيتِيْنيْ ..
قَعَدتِيْ جَنْبِيْ ..
وَاطَلَقْتيْ زِمَامَ النّظْرَه الخَجْلَى ..
تبَسّمْ وَرْدَكِ النّابتْ عَلَى خَدّكْ ..

رَكَضْ مِنْ خَلفْ صَمْتكْ ظِلّ ..
تَكوّمْ فَوْقَنَا وَامْطَرْ ..
حَكَاوِيْ مِنْ عَبِيْر وفُلّ ..

يآغلآتك يالمطــــــــر,,
لو ان بعض العشق جآف!!
حتى السهر..مآيسهره
والصبح يظن/ نوم المشآعر يقهره
انتظر..ثم انتظر..ثم انتظر
ثم عآفهم لحظه وطآف...
يآغيم..يآظل الوفآ
عشق الخفــآ..مآهو خفآ
مكتوب له مآينثره
ويبقى مآعنده خلآف..
يآحبر..يآصبر البعيـــــد
من شطر..لين اطول قصيـــد
من الوريد إلى الوريد
ممشآه مآاقدر انكـــره
بس المصيبه لآدريت:
الحبر من ذكرك يخآف!!